O señor dos aneis LCG. O anel viaxa cara o sur

Os cinco hobbits apañáronse para deixar atrás aos xinetes negros no anterior capítulo e chegar a Rivendel. Alí decidiuse que o anel terá que viaxar ao sur, levado por Frodo e acompañado polo resto dos pequenos protagonistas. A novidade desta misión é que temos unha primeira misión que é bastante beneficiosa, xa que nos reparte algunhas cartas de balde logo do concilio de Elrond; lembroume á interpretación no xogo de taboleiro de Reiner Knizia que tamén conta a historia do libro máis famoso de Tolkien. O primeiro que tocaba entón era pasar por Caradhras, por moito que xa saibamos que iso non vai funcionar. Para facelo máis temático, saíume a traizón da nevada mesturada con vento, polo que tentar atravesalo converteuse nunha épica máis complicada. Tan complicada que o resto de localizacións fóronse acumulando sen explorar e non puiden saír nunca da espiral de fases de misión con resultados negativos. Era momento de facer uns axustes á baralla, aproveitando a posibilidade de xogar gratis unha carta, engadindo maior control para as localizacións e eliminando algunhas que xa non viñan a conto. Este foi o resultado:

Hero (5)
Fatty Bolger (The Black Riders)
Frodo Baggins (The Black Riders)
Merry (The Black Riders)
Pippin (The Black Riders)
Sam Gamgee (The Black Riders)

Contract (1)
1x Bond of Friendship (The Fortress of Nurn)

Ally (21)
2x Barliman Butterbur (The Black Riders)
2x Bill the Pony (The Black Riders)
2x Faramir (Core Set)
2x Gandalf (Core Set)
1x Henamarth Riversong (Core Set)
2x Ingold (The Wastes of Eriador)
2x Meneldor (Roam Across Rhovanion)
2x Northern Tracker (Core Set)
2x Silvan Refugee (The Drúadan Forest)
2x Snowbourn Scout (Core Set)
2x West Road Traveller (Return to Mirkwood)

Attachment (12)
2x Dagger of Westernesse (The Black Riders)
2x Elf-stone (The Black Riders)
2x Fast Hitch (The Dead Marshes)
2x Hobbit Cloak (The Black Riders)
2x Hobbit Pony (The Wastes of Eriador)
2x The Long Defeat (The Battle of Carn Dûm)

Event (16)
2x A Test of Will (Core Set)
2x Feint (Core Set)
2x Frodo’s Intuition (The Black Riders)
2x Halfling Determination (The Black Riders)
2x Hobbit-sense (Encounter at Amon Dîn)
2x Quick Strike (Core Set)
2x Shadow of the Past (Return to Mirkwood)
2x The Shirefolk (Mount Gundabad)

Player Side Quest (1)
1x Scout Ahead (The Wastes of Eriador)

Desta segunda vez as cousas foron máis doadas, polo menos no comezo. O reparto inicial no concilio de Elrond non foi especialmente interesante, mais o mazo de encontros portouse moito mellor e non me lanzou ningunha combinación desastrosa. Os medianos obtiveron algúns puntos de dano polas localizacións percorridas pero conseguiron chegar até as portas de Durin. Lamentablemente, e como non podía ser doutra maneira, Frodo foi capturado pola Vixía na Auga. O equipo acadou o salvamento de Frodo, pero o resto de aliados foron devorados polo mesmo monstros, deixando o tempo xusto para que os heroes descifrasen as portas nunha última quenda na que precisamente Gandalf apareceu para resolver o enigma (coma nos libros, mais non coma na película, se lembro ben). A comunidade do anel estaba dentro de Moria, mais os perigos non fixeron máis ca comezar.

Na seguinte aventura, Viaxe na escuridade, os problemas non viron até ben tarde. Dominei totalmente o mazo de encontros durante as primeiras quendas, inda que avancei un par de veces o reloxo do Balrog. Na segunda fase hai que derrotar tres inimigos para avanzar, e organicei as quendas do mazo de encontros para que xusto aparecese o Balrog cando podía ter a todos os meus personaxes preparados para atacalo, con cartas na man para obviar os seus ataques durante varias quendas. Desta maneira podería quitarme o perigoso inimigo e cumprir os requisitos para avanzar á última fase ao mesmo tempo. Un plan que nin pintaba tan mal, até que apareceu o Dano de Durin, uns dos seres máis poderosos sobre a Terra Media… Obviamente resultou inmune ás miñas cartas, polo que non podería esquivar os seus ataques, e ademais indestrutíbel con nove puntos de armadura e vinte e cinco de vida. Conseguín aguantar vivo para ver a última fase e decatarme do complicado que será conseguir a vitoria sen baixas. A ver se acado ese logro para a próxima!

O señor dos aneis LCG. A disolución da comunidade

Rematara o anterior capítulo do meu paseo pola saga d’O señor dos Aneis LCG nunha viaxe na escuridade que non resultara con éxito por mor do poderoso Balrog. Pero xa que sempre cabe a posibilidade de volver a intentar a partida, uns tres meses despois collín exactamente a mesma baralla que tiña preparada e acadei a vitoria nese novo tento! Xa sabía que agardar polo Balrog non era boa idea, polo que bulín todo o posíbel nas fases anteriores, estando moi preto de escapar antes de que aparecese. Mais unha mala elección fixo que na penúltima quenda fixese acto de presenza, acabando coa vida dun espirro menor e tamén coa do pobre Fredegar “Gordo” Bolger, que tivo un papel moito máis importante na miña crónica persoal que nos libros, polo que sempre será recordado no arquivo de heroes caídos en batalla.

Tocaba entón avanzar até a última aventura deste primeiro terzo do libro: a disolución da comunidade. Non me quedou outra que facer cambios na baralla, porque non tiña outro hobbit da esfera de espírito que puidese meter no lugar do Gordo. Fuxín do contrato do vínculo de amizade, volvendo ao estilo clásico de empregar tres heroes xunto ao Frodo convidado. Fixen algúns axustes mínimos á baralla anterior, eliminando as cartas de espírito e incrementando a conta de moitas outras para compensar. Nas dúas primeiras partidas non me foi ben de todo, como vén sendo habitual. Os problemas foron debidos á acumulación de inimigos na primeira etapa que atacan todos ao mesmo tempo ao comezar a segunda. Para a terceira partida, xa con máis coñecemento do que viña por diante, axustei algo máis as miñas cartas de xogador, resultando esta baralla:

Hero (4)
Frodo Baggins (The Black Riders)
Merry (The Black Riders)
Pippin (The Black Riders)
Sam Gamgee (The Black Riders)

Ally (21)
2x Barliman Butterbur (The Black Riders)
2x Bill the Pony (The Black Riders)
3x Dúnedain Hunter (The Lost Realm)
3x Elrond (The Road Darkens)
2x Faramir (Core Set)
3x Gandalf (Core Set)
1x Henamarth Riversong (Core Set)
3x Honour Guard (The Wastes of Eriador)
2x Miner of the Iron Hills (Core Set)

Attachment (9)
2x Dagger of Westernesse (The Black Riders)
2x Fast Hitch (The Dead Marshes)
2x Hobbit Cloak (The Black Riders)
3x The Long Defeat (The Battle of Carn Dûm)

Event (20)
3x Drinking Song (Mount Gundabad)
2x Feint (Core Set)
3x Frodo’s Intuition (The Black Riders)
2x Halfling Determination (The Black Riders)
2x Quick Strike (Core Set)
3x Shadow of the Past (Return to Mirkwood)
2x Sneak Attack (Core Set)
3x The Shirefolk (Mount Gundabad)

A vitoria veu polo camiño da combinación entre o Henamarth e as sombras do pasado, controlando moitísimo as primeiras quendas para asegurarme que non aparecía ningún perigo infranqueábel e repetindo cartas sen risco. Desta maneira cheguei á segunda etapa con tan só unha localización en xogo e un taboleiro que axudaría un pouco nas futuras leas. A combinación de Meriadoc “máquina-de-matar” Brandigamo armado coa Glamdring e Samsagaz “afouto” Gamllí protexido coa Dardo e cunha capa hobbit era moi boa. Trampeei algo máis a baralla de encontros xogando un cazador dúnedain que mesturou as cartas, para facer que a elección de Frodo non tivese por que estar abaixo de todo. O plan saíu a pedir de boca e só faltaba apurar nas dúas últimas quendas para superar a derradeira etapa canto antes e obter a vitoria cun total de 127 puntos. A nota negativa foi de Pippin, que traizoou á comunidade volvéndose malo! Mantíveno vivo até o final, aguantando os seus ataques pero sen forzas para contraatacar, unha mágoa que non houbo maneira de convencelo e agora formará parte dos heroes caídos xunto a Gordo.

Polo de agora non teño máis aventuras que xogar desta saga, nin teño previsto adquirilas dentro de pouco, polo que devolvín todas as cartas ás cadansúas caixas sen anotar o estado actual da campaña. Claramente este último escenario estaba deseñado para ser xogado con máis dun xogador polo que, chegado o día, quizais queira darlle unha nova pasada con dúas barallas. Estas partidas déronme ganas de xogar máis escenarios dos que teño por aí, probando outras combinacións de cartas, pero agora mesmo teño o Aeon’s End sen abrir, polo que supoño que dedicarei os meus esforzos a entendelo e, coñecéndome, queimalo. Xa lle tiña ganas dende hai ben tempo, polo que agardo que se atopa á altura das miñas altas expectativas. Xa vos contarei!