22-08-2025

Eddie Vedder - Into the Wild

Este foi o primeiro (e último?) disco da semana dun club que non durou moito. Nunca escoitara moito Pearl Jam, pero a brevidade das cancións, o directo das letras e ata o ouveo de Eddie facendo de lobo fóronse abrindo un oco no meu corazón. Foi a miña primeira aproximación á historia de Chris McCandless e, inda que teño o libro pendente (trato a Krakauer con receo), prefiro escoitar o disco e ler un artigo na Wikipedia a ver de novo a película.