Nightwish - Wishmaster
É curioso porque coñezo todas as cancións deste disco inda que nunca o tiven como tal, supoño que principalmente do From Wishes to Eternity e dos mp3 soltos. Inda que ten doce temas, sinto que son basicamente tres entrelazados, de maneira que case podes cortar no medio de She Is My Sin a The Kinslayer, de aí a Wishmaster coas vocalizacións de Wanderlust e alguén descoñecedor do grupo non se decataría que teñen orixes diferentes. Con todo, as cancións están mellor producidas que en traballos anteriores e as voces máis claras, así que de primeiras diría que me atrae máis que Oceanborn, xa que a falta de maxia e variedade é substituída por máis calidade. Teño a dúbida se, de ser un grupo novo de hoxe en día, aceptaría a voz de Tarja tan ben, entre outras cousas porque non semella ter máis dun rexistro.